Велев го објави списокот на играчи за младинското Европското првенство во Братислава

Македонската младинска кошаркарска репрезентација ќе ги започне подготовките за настапот на Европското првенство во Дивизијата „Б“ за кошаркари до 20 години, кое ќе се одржи од 10 до 19 јули во Братислава, Словачка.

Првиот собир на селекцијата е закажан за 15 јуни (понеделник) во 12 часот, во спортската сала „Лазар Лечиќ“ во Скопје. Собирот ќе го означи и официјалниот старт на подготовките за претстојниот шампионат.

Селекторот Никола Велев, по завршувањето на регуларниот дел од сезоната и финалниот турнир во М20 лигата, го дефинираше планот за работа и списокот од 18 кандидати кои ќе конкурираат за место во финалната дванаесетка.

Во наредниот период се планирани вкупно 23 тренинзи, преку кои стручниот штаб ќе се обиде да ја темпира формата на тимот за настапите во групата „А“, каде Македонија ќе игра против Ирска, Шведска, Азербејџан и домаќинот Словачка.

Список на играчи за подготвителен период – Македонија У20 мажи

1. Никола Јаничиќ – САД
2. Даниел Бутемер – САД
3. Даријан Димовски – САД
4. Лука Марјановиќ – САД
5. Давид Петрушевски – Италија
6. Сергеј Младеновски – Вардар – Скопје
7. Матеј Митревски – Вардар – Скопје
8. Димитар Зетов – Кожув – Гевгелија
9. Коста Ќириловски – Кожув Гевгелија
10. Андреј Стојановски – Феникс 2010
11. Амар Грбовиќ – Феникс 2010 – Скопје
12. Атанасиј Трајанов – Водно санс
13. Бојан Димитриев – Водно санс – Скопје
14. Горазд Митев – Водно санс – Скопје
15. Марко Луканоски – Маџари – Скопје
16. Сергеј Петровиќ – Гостивар
17. Андреј Чадамов – Тиквеш ГИ – Кавадарци
18. Максим Трајковиќ – Работнички – Скопје

Селектор: Никола Велев