Организаторот на играта на македонската одбојкарска репрезентација, Ѓорѓи Ѓоргиев, кариерата ќе ја продолжи во редовите на Црвена Звезда.
Српскиот шампион официјално го потврди ангажманот на искусниот македонски репрезентативец, кој ќе биде едно од засилувањата на тимот за претстојната сезона.
За Ѓоргиев ова ќе биде прво искуство во српскиот шампионат. Во текот на својата интернационална кариера настапуваше во Бугарија, Турција, Полска и Франција, а во изминатата сезона беше дел од францускиот состав Алтерна.
По комплетирањето на трансферот, македонскиот техничар целосно ќе се насочи кон репрезентативните обврски. Македонија викендов ќе настапи на вториот турнир од Европската лига 2026, додека во септември националниот тим го очекува учество на Европското првенство во Софија.
