Кошаркарска федерација на Македонија упатува искрена благодарност до Комерцијална банка АД Скопје за одлуката да ја продолжи соработката и поддршката на машката сениорска А репрезентација на Македонија.
Продолжувањето на ова партнерство претставува силна потврда за довербата што Комерцијална банка ја има во македонската кошарка и во националниот тим, кој со гордост ја претставува државата на меѓународната сцена.
Поддршката на најдобрата репрезентација има клучно значење за реализација на спортските цели и за обезбедување оптимални услови за подготовка и настап на репрезентативците.
Во име на Кошаркарската федерација, стручниот штаб и сите репрезентативци, упатуваме благодарност до раководството на Комерцијална банка за препознавањето на важноста од континуирана поддршка на националниот тим.
Веруваме дека и во периодот што следува, заеднички ќе продолжиме да придонесуваме за развојот на македонската кошарка и да работиме кон нови успеси кои ќе донесат радост и гордост за сите љубители на спортот.
