Прволигашот Силекс денес ги „запали моторите“ со првата прозивка на стратегот Александар Васоски беа означени летните подготовки на кратовскиот тим.
Со денешниот собир и прв тренинг официјално стартуваат подготовки, а пред Силекс ќе бидат предизвиците во квалификациите за Конференциската лига на УЕФА.
Првата фаза од подготовките ќе се реализира во Кратово, а истата е предвидено да трае до 19 јуни.
Клубот дополнително ќе информира за распоредот на пријателски натпревари, новите засилување и локацијата на втората фаза од подготовките.
Силекс минатата сезона заврши на четвртото место во шампионатот, а во Куп финалето славеше над Шкендија и така обезбеди излез во Европа.
