Селекторот Јошко Миленкоски го одреди списокот од 14 одбојкари на кои ќе смета за натпреварите против Холандија и Луксембург на првиот турнир од годинешното издание на Европската лига 2026.
По повредата на Александар Љафтов, стручниот штаб беше принуден да направи одредени корекции во составот и да ги разгледа сите расположливи опции.
На последниот пресек пред стартот на турнирот, надвор од конкуренција остана младиот техничар Лука Ристоски, кој натпреварите ќе ги следи од трибините. Од друга страна, Ване Арапов останува дел од репрезентацијата, но наместо на позицијата либеро, ќе биде во комбинација како примач.
Натпреварот меѓу Македонија и Холандија се игра вечерва, со почеток од 19 часот, во салата „Парк“ во Струмица.
Влезот е 100 денари.
