Женскиот фудбалски клуб Конзули го доби шампионскиот пехар откако стана шампион во Втората женска фудбалска лига и обезбеди влез во елитата за следната сезона.
Битолскиот тим беше без конкуренција во сезона која не го дочека својот крај откако истата беше прекината по десет одиграни кола, а по откажувањето на Порече од Македонски Брод од натпреварување.
Фудбалерките на Конзули забележаа десет победи од толку натпревари и максимални 30 бодови завршија на првото место. Зад тимот од Битола е најефикасниот напад од постигнати 76 гола, а одбраната прими само два гола.
Зад Конзули на второто место заврши Билјанини Извори со 22 бодови, со што охридскиот тим кој е поранешен шампион на Македонија ќе игра бараж за Прва лига против Кочани, кој ќе се бори за опстанок во елитата.
По испаѓањето на Топ Гол од Прва во Втора лига, Битола и следната сезона ќе следи прволигашки фудбал бидејќи Конзули обезбеди место меѓу најдобрите.
