Заврши сезоната во Трета лига – Запад, сега остануваат баражите да се одиграат и со тоа да се спушти завесата за оваа натпреварувачка сезона.
Во Трета лига – Запад шампион е Камјани, кој ќе игра бараж за влез во Втора лига против шампионот на Трета лига – Исток, Победа Валандово.
Комесарот за делегирање на судии во Трета лига – Запад, Музафер Исмаили, за Спортска Мрежа истакна дека е задоволен од тоа како судиите ја завршиле својата работа, на професионален и коректен начин, притоа им се заблагодари на сите клубови за фер и коректниот однос.
„Јас како комесар сум презадоволен од судиите во Трета лига – Запад. Сите си ја завршија својата работа професионално и коректно без било каков проблем. Им благодарам на сите клубови за фер и коректниот однос кои го имаа во текот на целата сезона. “, вели Музафер Исмаили за Спортска Мрежа.
Исмаили кој во минатото беше судија, а сега е контролор, вели дека интересот за судењето е мал, но пополека се буди истиот, за што вели дека во следниот период ќе организираат разни активности како да се зголеми истиот на повисоко ниво. Еден од чекорите кои размислуваат да го преземат е посета на училиштата, со што би се промовирало судењето како професија.
„Искрено не е баш на некое високо ниво интересот кај младите за судење, имаме шест судии кои се млади и перспективни, но ниту една не е девојка. За таа цел во план сме да реализираме некои активности како да ги привлечеме младите кон оваа професија, да делат правда на фудбалските терени. Размислуваме на тоа да имаме некои активности во училиштата, со цел да ги привлечеме младите. Пополека од сезона во сезона се буди интересот и тоа дава надеж да работиме уште повеќе истиот во иднина да биде на уште повисоко ниво“, дополни Исмаили во разговор за Спортска Мрежа.
