Во битолско Црнобуки успешно беше организиран завршниот турнир од ФФМ Детската лига за Преспанско-пелагонискиот регион, каде младите фудбалски надежи низ неколкудневни возбудувања се бореа за пласман на големата завршница во Скопје.
Одличниот терен во Црнобуки понуди максимално добри услови за игра, а младите фудбалери покажаа голема борбеност, талент и спортски дух во сите генерации.

Пласман на завршниот турнир во Скопје обезбедија следните екипи:
- Генерација 2013
ФК Талент 2010
ФК Пелистер

- Генерација 2014
ФК Талент 2010
ФК Прилеп

- Генерација 2015
Еден на Еден
Пелистер
- Генерација 2016
Академија Еврогол
Перак
- Генерација 2017
Еден на Еден
Перак

- Генерација 2018
Пелистер
Еврогол

Координаторите Васко Бошески и Александар Делов, упатија благодарност до сите тренери за коректниот однос, професионалноста и фер-плеј атмосферата во текот на трите дена од завршниот турнир.

ФФМ Детската лига продолжува да биде вистинска база за развој на младите фудбалери и место каде најмладите таленти добиваат можност да го покажат својот потенцијал и љубов кон фудбалот.
