Утре ќе бидат одиграни два натпревари за отварање на последното 33. коло на Првата македонска фудбалска лига.
На Националната арена „Тодор Проески“ во Скопје ќе се одигра натпреварот меѓу Вардар и Шкендија, каде „вардарци“ ќе го добие шампионскиот пехар.
Бењамин Ќерими ќе ја дели правдата како главен арбитар, а негови асистенти ќе бидат Гоце Петрески и Филип Ицковски, а пак Игор Стојчевски ќе биде четврт судија.
Во ВАР собата ќе бидат Александар Грујоски и Вјолца Изеири, а пак Виктор Васев ќе биде оператор за повторување на снимката. Делегат на натпреварот еќ биде Тони Шалев, а контролор Јосип Бартон додека пак комесар за безбедност на ФФМ ќе биде Зоран Саздов.
Натпреварот започнува во 18 часот.
Претходно, во 16 часот ќе започне натпреварот во Гостивар меѓу Арсими и Струга Трим Лум, каде Александар Василевски ќе дели правда, а ќе му помагаат Имран Абази и Бојан Иваноски, а пак Ндерим Тефику ќе биде четврт судија.
ВАР судија ќе биде Фатмир Бафто, а пак АВАР судија ќе биде Мишо Ѓорѓиески. Оператор за повторување на снимката е Растко Ѓурѓевиќ.
Делегат на средбата ќе биде Расим Муминовиќ, а пак контролор ќе биде Димитар Мечкаровски.
