Фудбалерите на Силекс се подготвени за утрешното 34. финале од Фудбалскиот куп на Македонија, каде на Националната арена „Тодор Проески“ во Скопје ќе се соочат со екипата на Шкендија. Финалниот натпревар е закажан со почеток од 20 часот.
Кратовци во големата пресметка влегуваат со јасна цел – освојување на четвртата Куп титула во клупската историја.
Силекс првиот трофеј во ова натпреварување го освои во 1995 година, втората Куп титула тимот од Кратово ја освои во 1997 година, а последната во 2021 година.
Силекс играше уште две финалиња, но истите ги загуби во 1995 и 2022 година.
Сега тимот од Кратово ќе има нова можност да испише историја и повторно да го подигне вредниот пехар, а со тоа и да обезбеди излез го Европа, односно да игра квалификации во Конференциската лига на УЕФА.
Фудбалерите на Силекс денес во 12 часот според информации на Спортска Мрежа заминаа за Скопје, каде ќе бидат во карантин до самото финале.
