Екипата на Шкупи веќе почнува да ги прави плановите за настап во Втората лига, но до крајот на сезоната во елитата, чаирчани сакаат максимално да ги искористат натпреварите за калење на младите фудбалери.
Претстојното гостување кај ФК Пелистер се гледа како одлична можност за младите играчи да стекнат драгоцено искуство, особено во жешката атмосфера под „Тумбе Кафе“, каде што домашниот тим ќе бара важни бодови во борбата за опстанок.
Еден од играчите на новата генерација, Венис Кока , верува дека тимот е целосно подготвен да одговори на предизвикот и притисокот што го носи гостувањето во Битола.
„Нè очекува пеколно тешко гостување во Битола. Пелистер е мотивиран, но ние работевме напорно цела недела и сме подготвени за борба. Секој играч сонува за вакви натпревари – полни со адреналин и притисок. На терен излегуваме со карактер и самодоверба“, изјави Кока
Традицијата во последните меѓусебни дуели е на страната на Пелистер, кој забележа победи на последните три натпревари. Сепак, во вкупниот биланс, Шкупи е поуспешен со 15 победи во досегашните 20 средби, додека Пелистер има 5 победи, а 5 натпревари завршиле нерешено.
