Македонските репрезентативци Дејан Георгиевски и Милијана Релиќ го освоија петтото место на Европското сениорско првенство што се одржа во Минхен, Германија, по поразите во борбите за медал.
Во категоријата +87 кг, Дејан Георгиевски стигна до петтата позиција. Тој во првото коло беше слободен, во второто забележа победа од 2:1 против Емре Атешли од Турција, а во четвртфиналето беше поразен од Иван Гарсија Мартинез од Шпанија.
Во женска конкуренција -62 кг, Милијана Релиќ исто така го освои петтото место. Таа во првото коло беше подобра со 2:0 од Теопула Сарванаки од Грција, но во четвртфиналето загуби со 1:2 од Петра Столбова од Чешка.
Одличен настап имаше и Филип Блажевски во категоријата -80 кг, кој за малку остана без победа, откако загуби во тесна борба во првото коло.
