Женската репрезентација на Македонија до 16 години во последното коло од УЕФА развојниот турнир што се одржа во Струмица е поразена од селекцијата на Косово со 2:1.
Откако првото полувреме заврши без голови на почетокот од второто во 58. минута, Олса Кучи им донесе предност на гостинките од 1:0.
Во 79-тата, Леона Малоку зголеми на 2:0, а во последната минута од натпреварот Елена Наумоска беше стрелец на единствениот гол за Македонија.
Избраничките на селекторката Катерина Милеска на трите меча во Струмица забележаa по една победа и пораз, а еден меч го загубиja по изведување на удари од 11 метри откако по 90 минути игра резултатот беше нерешен.
Македонија на турнирот го освои третото место зад селекциите на Косово и Андора, а пред Сан Марино.
Турнирот во Струмица беше одлична можност за Милеска да ја селектира новата генерација фудбалерки кои наскоро треба да влезат во натпреварувачкиот систем на УЕФА.
