Дерби пресметката меѓу Брегалница и Шкендија Арачиново во рамки на 28. коло од Втората македонска фудбалска лига донесе голема борба на теренот, многу емоции и важни бодови во трката за пласман во елитата, а натпреварот во Штип заврши без победник – 1:1.
Посебен момент пред стартот на натпреварот беше фотографијата на четворицата прилепчани кои настапуваат за двата клуба. Во редовите на Брегалница настапуваат Даниел Карчески и Јорданчо Наумоски, додека дресот на Шкендија Арачиново го носат голманот Антонио Столевски и Николче Шаркоски.
Иако на теренот владееше големо ривалство и борба за секоја топка, бидејќи трите бодови имаа огромно значење во битката за Првата лига, надвор од теренот фудбалерите покажаа дека меѓусебната почит и пријателство се поважни од резултатот.
