Утре се играат реваншите од полуфиналните натпревари од Купот на Македонија, а веќе се познати и судиите кои ќе ја делат правдата на натпреварите.
Во Кратово се среќаваат прволигашот Силекс и второлигашот Охрид, каде правдата ќе ја дели Игор Стојчевски, а негови помошници ќе бидат Вјолца Изеири и Гоце Петрески, а пак Александар Урошевиќ е четврт судија.
Во ВАР собата ќе бидат Пларент Салихи и Фуркан Идризи, а пак Виктор Васев е оператор за повторување на снимка.
Делегат на овој меч ќе биде Ивица Тасевски, а пак Никола Караколев е одреден за контролор.
Првиот меч кој се одигра на „Билјанини Извори“ заврши без победник (1:1).
Во Куманово на стадионот Башкими ќе се одигра мечот меѓу второлигашот Шкендија Арачиново и прволигашот Шкендија. Главен судија ќе биде Стојанче Стојанов, негови помошници ќе бидат Мартин Петковски и Александар Ѓурковски, а пак Крумислав Ѓоргиев ќе биде четврт судија.
ВАР судија е Бењамин Ќерими, а пак АВАР судија е Дарко Видиниќ, додека пак Деан Стефков е оператор за повторување на снимка.
Делегат на овој меч е Тони Ефтимов, контролор е Сашо Лазаревски, а пак Зоран Саздов е комесар за безбедност на ФФМ.
На првиот меч тетовска Шкендија беше подобар со 3:2 во однос на Шкендија од Арачиново.
