Во рамки на 9. коло од Општинската фудбалска лига во Гази Баба или Четврта лига по ранг на натпреварување, екипата на Маџари Солидарност со 1:2 забележа триумф против Инџиково на гостински терен.
Левајковски го донесе во водство Инџиково уште во 9. минута од мечот, а потоа гостинот преку Крстевски во 35. минута дојде до 1:1 на полувреме. Во вториот дел Аровски со гол во 86. минута го обезбеди целиот „плен“ за гостинот за конечни 1:2.
Бујковци на домашен терен со 3:2 славеше победа над екипата на Марино, во меч каде за домашниот тим Аземи беше двоен стрелец, а еден гол постигна Станковиќ, додека пак кај гостинот Фејзула стрелаше во првиот дел, а пак Алексиќ си постигна автогол.
Миладиноци и Дељадровци одиграа реми со четири погодоци за конечни 2:2. Гостинот пропушти предност од два погодоци откако на полувреме имаше 0:2 со погодоците на Насковски и Величковски, а во вториот дел Петровски во 60. минута го намали водството на гостинот, а пак Стаменковски постигна гол за конечни 2:2.
Лидерот Долно Коњари забележа убедлива победа 4:1 против поранешниот третолигаш Илинден на домашен терен и тоа победа преку пресврт. Видински во 3. минута постигна гол за 0:1, резултат со кој се замина на полувреме.
Во вториот дел следуваа два брзи гола на Арслан во 63. минута и на Дрндар во 67. минута за пресврт и водство на домаќинот од 2:1, а до крајот на мечот Абдурахман и Мушовиќ погодија за 4:1.
Гоце Делчев забележа домашна победа против ланскиот третолигаш Петровец од 3:1 во меч каде Гоцевски беше стрелец за 1:0 на полувреме, а пак Крстевски постигна гол за 2:0. Гостинот преку Стојановски намали на 2:1 и се обиде да дојде и до израмнување, но Мирков не дозволи изненадување и погоди за конечни 3:1.
- ЦЕЛА ТАБЕЛА ОД ОФЛ ГАЗИ БАБА:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ФК ДОЛНО КОЊАРИ | 9 | 7 | 2 | 0 | 24 | 5 | +19 | 23 |
| 2 | ФК БУЈКОВЦИ | 8 | 6 | 1 | 1 | 24 | 6 | +18 | 19 |
| 3 | ФК ГОЦЕ ДЕЛЧЕВ | 9 | 5 | 3 | 1 | 30 | 16 | +14 | 18 |
| 4 | ФК МАЏАРИ СОЛИДАРНОСТ-ЈУНИОР | 8 | 5 | 1 | 2 | 20 | 13 | +7 | 16 |
| 5 | ФК Марино 2024 | 8 | 4 | 1 | 3 | 21 | 10 | +11 | 13 |
| 6 | ФК ИЛИНДЕН | 8 | 3 | 1 | 4 | 13 | 17 | -4 | 10 |
| 7 | ФК МИЛАДИНОВЦИ | 8 | 2 | 3 | 3 | 22 | 27 | -5 | 9 |
| 8 | ФК ИНЏИКОВО | 8 | 2 | 1 | 5 | 12 | 23 | -11 | 7 |
| 9 | ФК ДЕЉАДРОВЦИ 2010 | 8 | 1 | 3 | 4 | 5 | 18 | -13 | 6 |
| 10 | ФК ПЕТРОВЕЦ | 8 | 1 | 1 | 6 | 10 | 26 | -16 | 4 |
| 11 | ФК УСКУП 1911 | 8 | 0 | 1 | 7 | 9 | 29 | -20 | 1 |
| 12 | ФК СКОПСКО ПОЛЕ | 0 | 0 | 0 | 0 | 0 | 0 | 0 | 0 |
