Денес се комплетираше 11. коло во Трета лига – Југозапад, откако истото беше отворено вчера со победата на Кораби од 2:3 над Велешта, за што инфорамирше Спортска Мрежа.
Славеј Мешеишта со 2:0 славеше сигурена победа над битолскиот тим Е. Онлајн. Двата погодоци во Мешеишта паднаа во првиот дел од мечот, откако Петар Крцоски постигна гол во 15. минута од натпреварот, а во 43. минута Марко Калески ги постави конечните 2:0, откако во вториот дел мрежите мируваа.
Кравари на домашен терен забележа победа од 3:2 над ланскиот второлигаш Караорман од Струга. Емини и Марцевски постигнаа погодоци за 2:0 на полувреме. Во вториот дел Мицевски зголеми на високи 3:0, а потоа Христијан Спироски и Бојан Клечароски постигнаа погодоци за 3:2 и ја вратија неизвесноста околу тритете бодови, но стружани немаа сили за реми или пресврт.
Сатеска од Волино преку Никола Секулоски кој беше двоен стрелец дојде до триумф од 1:3 над Влазними со што гостинот носи три важни и големи бодови на патот кон првото место и баражот за Втора лига.
За гостинскиот тим погодоци Лука Богданоски, додека пак за домаќинот стрелаше Ндерим Туши.
Искусниот Никола Пластиновски носи три бодови за Преспа, која славеше со 2:3 над Света Троица во Охрид, меч кој беше со хуманитарен карактер, каде се донираа средства за лекувања на малата Теодора.
Победата добива на тежина бидејќи беше извојувана преку пресврт и тоа во финишот на мечот.
Бимбилоски и Угриноски постигнаа погодоци за 2:0 на полувреме, во вторито дел Неџми Реџепи посигна погодок за 2:1, додека пак Пластиновски во 60. минта погоди за 2:2. Во последните пет минути од натпреварот Пластиновски постигна втор гол за конечни 2:3.
Демир Хисар се намачи во дербито од дното на табелата за триумф над Светлост во Кукуречани, со голот на Олиер Јанкуловски во 85. минута.
