Детонит Плачковица го совлада Охрид на „Билјанини Извори“ со 1:3 и во Радовиш се враќа со три бодови на своето конто со што четата на штипскиот стратег Горан Здравков одново конкурира за висок пласман на табелата.
По завршувањето на натпреварот Здравков за Спортска Мрежа истакна дека одиграле одличен натпревар со добар пристап, додава дека честитки за денешната победа одат за неговите играчи, а притоа рече дека имале одлично судење.
„Денес на „Билјанини Извори“ одигравме добар натпревар против екипата на Охрид, моите фудбалери имаа одличен пристап, добра игра во текот на целиот меч. Јас сум задоволен од прикажаното на моите играчи. Имавме одличен енергија пред натпревари за време на истиот. Сите честкитки за денешната победа и освоените три бодови одат за моите играчи. Имавме супер дочек од домаќинот. Судиите беа на ниво, одлично судење во текот на целиот натпревар. Со мислите сме веќе на следниот натпревар против Башкими кој го играме на домашен терен“, рече Здравков во изјава за Спортска Мрежа.
Во следното коло Детонит Плачковица на домашен терен ќе игра против Башкими во претпоследниот есенски натпревар.
