В недела Света Троица на теренот со вештачка трева во рамки на спортскиот комплекс „Билјанини Извори“ ќе се соочи со лидерот Преспа од Ресен, во меч од 11. коло на Трета лига – Југозапад.
Овој меч ќе има хуманитарен карактер, сите љубители на фудбалот, навивачи и посетители ќе може да донираат за поддршка на малата Теодора.
„Присуството на овој меч ќе значи многу за нашата сограѓанка Теодора, бидејќи ќе биде поставена кутија за донации со цел нејзино успешно лекување. Поддржете го тимот и направете добро дело“, велат од ФК Света Троица.
Да бидеме хумани и хуманоста да ја покажеме на дело за малата Теодора.
Натпреварот меѓу Света Троица и фаворитот Преспа од Ресен започнува во 13 часот, а главен судија на истиот ќе биде Анѓеле Спироски од Струга.
