Продолжува трката во Трета лига – Исток кој да биде шампион и да игра бараж за влез во Втора лига. Овче Поле или Победа Валандово, една од овие две екипи ќе биде шампион и ќе игра бараж за влез во повисок ранг на натпреварување.
По 16 одиграни кола на врвот е Овче Поле од Свети Николе со 37 бодови на своето конто, а пак Победа Валандово е втора со 29 бодови, но „калинкарите“ имаат три натпревари помалку од „овчарите“ и поради тоа е неизвесноста за првото место.
Што носи распоредот до крајот во Трета лига – Исток за Овче Поле и Победа Валандово?
17 коло
Дојранско Езеро – Победа Валандово
Овче Поле (слободен)
18 коло
Победа Валандово – Хоризонт Турново
Овче Поле (слободен)
19 коло
Малеш – Победа Валандово
Овче Поле (слободен)
20 коло
Овче Поле – Дојранско Езеро
Победа Валандово – Тиверија
21 коло
Хоризонт Турново – Овче Поле
Карбинци – Победа Валандово
22 коло
Овче Поле – Малеш
Победа Валандово – Брегалница Делчево
Распоредот носи три слободни кола за тимот од Свети Николе, а ако на овие натпревари слави Победа Валандово, тогаш „калинкарите“ ќе бидат на првото место. Тоа значи дека тимот од Валандово се надева на перфектен учинок, а тимот од Свети Николе ќе се надева на кикс на Победа и со тоа да го задржи првото место.
Уште шест кола до крајот и многу математики во игра по откажување на Рудар од Пробиштип и Светлост од Зрновци да не продолжат со натпреварување.
