Во рамки на 4. коло на ЕРС (eFootball Pro Champions) Охрид се соочи со екипата на Ксилофагу Еспортс од Кипар, натпревар полн со шанси, но фалеше тој последен пас за да може да има погодоци, на крајот двете екипи ги поделија бодовите играјќи 0:0.
“Рибарите” имаа иницијатива и неколку изгледни шанси, но не успеаја да го скршат отпорот на тимот од Кипар.
Охриѓани одиграа уште еден квалитетен натпревар и по четири кола остануваат непоразени со биланс од трк ремија и една победа имаат шест бодови на своето конто.
Охрид оваа сезона во ЕРС (eFootball Pro Champions) е застапуван од Иван Иванов – државен шампион во eFootball во Македонија, играч кој потекнува од Радовиш, како и Марко Дринаковиќ, Вук Алексиќ и Милорад Зовичевиќ, а лигата се игра во популарниот 3 на 3 мод.
Во следното коло екипата на Охрид ќе оди по својата втора сезонска победа против тимот на Марибор.
Во рамки на првото коло Охрид одигра 0:0 со Будуќност од Црна Гора, а во второто коло со 2:0 славеше над Тиквеш во македонското дерби, а во третото коло одигра 0:0 со Локомотива Загреб.
Натпреварите може да се следат во живот на Arena eSport ТВ каналот, како и на нивниот официјален YouTube канал, а Спортска Мрежа е медиумски покровител на тимот на Охрид.
