Трите бодови останаа во Мешеишта откако Славеј со 5:2 го доби Демир Хисар и тоа преку пресврт. Гостинот преку Дамчевски го отвори резултатот за 0:1, а во вториот дел гол постигна и Ангелевски за 0:2.
Сепак, до крајот на мечот Славеј преку Ќитаноски, Митрески, Крстески, Короскоски и Јордески стигна до убедлива победа од 5:2.
Могила ги освои трите бодови откако со 1:0 славеше над Караорман, а стрелец на победничкиот гол беше Хакан Алимовски.
Трите бодови останаа во Ношпал откако со 3:2 тимот на Напредок славеше над Кораб од Дебар. Владе Јанакиевски беше двоен стрелец за домашниот состав, а еден гол постигна Никола Јовановски. За гостинот Амин Качалнику и Един Мерсовски беа стрелци.
Влазними преку пресврт славеше над Света Троица со 2:1. Климент Филев беше стрелец за Охриѓани во 4. минута, а потоа Елидон Рочи и Самед Кадриоски погодија за 2:1.
