Третото коло од Втората македонска фудбалска лига се комплетираше со натпреварот во Струмица под рефлектори меѓу Беласица и Охрид, конечниот исход беше 1:1.
Двете екипи тргнаа по прва победа во новата сезона од Втората лига, откако Беласица имаше пораз и реми, а пак Охрид два порази. Струмичката фудбалска гордост го играше првиот меч на домашен терен, го прослави својот 102-ри роденден, но не ја израдува публиката со победа.
Охрид прв дојде до водство со голот на Филип Димоски, а потоа од слободен удар со атрактивен гол Љупчо Христовски во 37. минута погоди за 1:1.
Во вториот дел шанси се редеа и пред двата гола, но без завршница, мрежите мируваат и на двете страни, па резултатот од првиот дел стана конечен.
Следува репрезентативна пауза, а потоа продолжуваат натпреварите со 4. коло.
Александар Ванев, Спортска Мрежа
