Кошаркарскиот прволигаш Феникс за новата сезона се засили со американскиот интернационалец Маркис Дајвис, кој ги покрива бековските и крилната позиција. Новото засилување на Феникс кариерата ја помина во редовите на силниот Универзитет Арксансас каде во својата последна сезона бележи просек од 9.8 поени и 4.5 скокови по натпревар.
„Виолетово-жолтиот“ дрес ќе го облече и со веќе стекнато интернационално искуство со оглед на тоа што минатата сезона настапуваше во финскиот шампионат за КТП Баскет, а добро му е познато и соседството бидејќи настапи и во Босна и Херцеговина за Славија Сараево бележејќи просек од 7.6 поени и 5.0 скокови.
Феникс минатата сезона во регуларниот дел заврши на 7. место, а потоа во четвртфиналето од плеј-офот беше поразен од Работнички.
Александар Ванев, Спортска Мрежа
