Фудбалската федерација на Македонија ги делегираше судиите за 21. коло на Првата женска фудбалска лига. Сите пет натпревари се играат утре (недела).
Ас Јунајтед во Струга ќе го пречека дебитантот Вардар, во меч каде домаќинот е фаворит. Бенарт Зеќири ќе биде главен судија, ќе му помагаат Осман Зеќири и Ангела Домазетовска. Медо Дивитров ќе биде контролор. Средбата започнува во 16 часот.
Лидерот Скопје на домашен терен ќе има лесна задача против Речица, а Ангела Рајчевска ќе биде задолжен да ја дели правдата на оваа средба која се игра во Пржино. Помошници се Горан Милошевски и Снежана Илиевска, а контролор е Аце Миноски. Стартот на мечот е во 16 часот.
Во Струмица фаворитот Тиверија Брера ќе го пречека тимот на Кочани, Виолета Јанчева ќе биде главен арбитар, а асистенти ќе бидат Кирил Манчев и Петар Манчев, а контролор ќе биде Васил Аџиев. Натпреварот започнува во 12:30 часот.
Вјолца Изеири ќе им суди на Истатов и Топ Гол во Пржино, прв помошен судија ќе биде Цветанка Савеска, а втор Радмила Неркова. Контролор ќе биде Петре Илиоски, а почетокот на мечот е во 12:30 часот.
Дербито во Тетово меѓу Љуботен и Каменица Саса го доби Марјан Дејаноски, а ќе му помагаат Елена Соклевска Илиевски и Тамара Цветановиќ. Марјан Кировски ќе биде контролор, а стартот е во 12 часот.
