Лидерот во Третата македонска фудбалска лига – Север, Еуромилк го Горно Лисиче го промени тренерот.
Преку клупско соопштение „лисиците“ му се заблагодарија на досегашниот тренер Зоран Божиновски за досегашната соработка.
Тимот од Горно Лисиче сега ќе го води Јован Трајков, кој ќе има за цел да ја продолжи победничката серија и да го обезбеди првото место кое води во баражот за Втора лига.
Благодарност до тренерот Зоран Божиновски. ФК Еуромилк ја информира јавноста дека по взаемна согласност дојде до спогодбена разделба со досегашниот тренер. Му се заблагодаруваме за вложениот труд, посветеноста и сè што направи за клубот во изминатиот период. Неговиот придонес ќе остане дел од нашата приказна. Му посакуваме многу успех во понатамошната кариера, здравје и нови победи! Еуромилк продолжува напред – посилен од било кога!
Поранешниот прволигаш е на челната позиција во Трета лига – Север со 46 бодови, пет повеќе од тимот на БВК Коњаре кој е втор.
