Младата фудбалерка од Охрид, Меланија Бимбилоска, продолжува да бележи одлични резултати во Германија. Талентираната 13-годишна фудбалерка моментално настапува за екипата TuS Clodwig 1896 Zülpich во категоријата C Junior Ü15, каде со својот тим успеа да го освои првото место во натпреварувањето Regionalmeisterschaft West 2026.
Со овој успех, тимот на Бимбилоска стана шампион на Западна Германија за 2026 година, што претставува големо достигнување во силната конкуренција на младинските екипи од тој регион.
Овој викенд екипата на TuS Clodwig 1896 Zülpich ќе настапи на завршниот турнир на ниво на цела Германија, каде ќе се натпреваруваат најдобрите тимови од регионалните првенства. Очекувањата се големи, а надежите се дека младата охриѓанка заедно со својот тим може да стигне до уште еден значаен успех.
Доколку тимот успее да освои едно од првите три места, Меланија Бимбилоска би можела да стане првата Македонка која освоила медал на завршен турнир во Германија во оваа конкуренција.
Со освоената титула во Regionalmeisterschaft West Ü15, Бимбилоска веќе испиша мала историја како прва Македонка што станала шампион на Западна Германија во ова натпреварување, а следниот предизвик е уште поголем – борба за медал на национално ниво.
