Кеги Моби е последниот патник во полуфиналето во футсал Купот на Македонија, откако вечерва со 6:8 славеше над Бутел во гости и се пласираше меѓу четирите најдобри.
Натпреварот понуди многу погодоци, а херој беше Петар Левков, кој со шест погодоци успеа сам да го победи противникот и да го однесе велешкиот тим во полуфиналето.
На полувреме резултатот беше 2:4, а таа предност од два погодоци беше и пресудна во вториот дел. За домашниот тим двапати погодиц Владимир Трендафиловиќ, а по една погодија Никола Илијоски, Никола Угриноски и Петар Лазоски, а пак Трајче Трајков од Кеги Моби си постигна автогол.
За гостинот од Велес покрај Левков кој постигна шест гола, по еден гол постигнаа Александар Михајлов и Марио Панев.
Во полуфиналето вчера се пласираа Проект, Јувентус Серава и Клими, а сега им се приклучи Кеги Моби. Меѓу овие екипи ќе се води полуфинална борба за влез во големото финале.
