Брегалница во претходното коло го запиша првиот сезонски пораз, откако со високи 3:0 загуби во дербито на колото од Македонија ЃП, која стана лидер на табелата.
Фудбалерот на Брегалница, Давид Стојков, вели дека после поразот од „лавовите“ самодовербата е на уште повисоко ниво и дека атакуваат на три бода против Арсими.
„Напротив, самодовербата е на уште повисоко ниво. Хемијата меѓу играчите е одлична, со ладни глави и максимален фокус продолжуваме понатаму. Публиката може да очекува интересен натпревар помеѓу два квалитетни тима. Ние, како и на секој натпревар, одиме на победа и три бода. Секако дека можеме да завршиме на првото место. Брегалница е квалитетна екипа, ќе го дадеме максимумот на претстојните 4 кола да бидеме на местото кое ни доликува“, рече Стојков.
Ова е дерби меѓу третопласираната Брегалница и четвртопласираниот Арсими, трите бодови се силен императив и на двете страни.
