Општински фудбалски сојуз Струмица објави јавен повик до сите млади момци и девојки кои ја сакаат фудбалската игра и сакаат да бидат дел од неа на поинаков начин – како фудбалски судии.
Од ОФС Струмица ги повикуваат сите љубители на фудбалот да ја искористат можноста да станат директни учесници во натпреварите, но од судиската страна. Повикот е наменет за млади и амбициозни лица кои имаат желба за личен развој, стекнување нови знаења и искуства, како и градење дисциплина и одговорност.
Да се биде фудбалски судија значи да се носат правични одлуки, да се одржува редот на теренот и да се контролира текот на играта. Воедно, тоа е и можност за градење спортска кариера и приклучување кон тим на луѓе со сериозни професионални аспирации во фудбалот.
Сите заинтересирани кандидати можат да се пријават и да добијат дополнителни информации преку контакт телефоните:
📞 Саше – 078/253-247
📞 Блаже – 071/313-482
Од ОФС Струмица порачуваат – доколку го сакате фудбалот и сакате да бидете дел од него на вистински начин, направете чекор напред и станете фудбалски судија.
