Убедлива победа на Шкендија Арачиново на „генералката“ со Тетекс

Шкендија Арачиново со успешна „генералка“ откако со убедливи 4:1 го доби Тетекс на последниот тест пред почетокот на пролетната полусезона.

Второлигашот од Арачиново значително засилен влегува во пролетниот дел каде ќе цели кон влез во Прва лига, а пак Тетекс ќе оди по потврда на опстанокот во второлигашкото друштво и за следната сезона.

Шкендија Арачиново пролетниот дел го отвара против Преспа од Ресен како апсолутен фаворит, а пак Тетекс ќе биде домаќин на Вардар Неготино.