Во сабота на стадионот „Билјанини Извори“ ќе се одигра пријателски натпревар меѓу второлигашите Охрид и Новаци, кој ќе послужи како последна проверка на двете екипи пред стартот на пролетниот дел во Втората лига, а кој е закажан за 21 февруари.
Натпреварот кој ќе започне во 14 часот ќе биде „генералка“ за двата второлигаши, а тренерите Ромео Кочоски и Дарко Крстески ќе ја имаат конечната слика за нивниот тим и што може да се очекува од истиот во вториот дел од шампионатот.
Инаку, Охрид пролетниот дел ќе го отвори против Беласица во Струмица, а пак Новаци треба да патува во Прилеп кај Победа, но прилепската фудбалска гордост преку соопштение најави дека нема да продолжи со натпреварување поради очајната финансиска состојба, иако клубот се’ уште нема испратено известување до ФФМ, а веќе има најави за спас на клубот односно да ја доигра сезоната, па останува отворено и натаму тоа прашање.
