Македонската машка фудбалска А репрезентација ги доби противниците за својот прв настап во Б дивизијата од Лигата на нациите.
Нашата селекција ќе игра во групата Б1, каде за ривали ги има репрезентациите на Шкотска, Швајцарија и Словенија. Станува збор за квалитетна група која ќе претставува голем предизвик, но и добра можност Македонија да го покаже својот квалитет на повисоко ниво.
ГРУПА Б1
Шкотска, Швајцарија, Словенија, Македонија
ГРУПА Б2
Унгарија, Украина, Грузија, Северна Ирска
ГРУПА Б3
Израел, Австрија, Република Ирска, Косово
ГРУПА Б4
Полска, Босна и Херцеговина, Романија, Шведска
Според календарот на УЕФА, натпреварите ќе се одиграат во периодот од 24 септември до 17 ноември. За разлика од претходните изданија, првите четири кола ќе бидат одиграни во краток рок од околу десет дена, што носи густ распоред и дополнителен напор за репрезентациите.
