Второлигашот Кожуф од Гевгелија е посилен со Лука Трајкоски за пролетниот дел од сезоната, откако во финишот на преодниот рок двете страни се договорија за соработка, ексклузивно дознава Спортска Мрежа.
Крилниот играч во Гевгелија пристигна од редовите на прилепска Победа кој е негов матичен клуб, а низ неговата кариера има настапувано и за Македонија ЃП, Тиквеш, Борец, Вардар и Детонит Плачковица.
Тренерот Иван Варадиновски добива проверено име, а штипскиот стратег со Трајкоски соработуваше во Детонит Плачковица, а сега одново двајцата ќе имаат соработка овој пат во Кожуф.
„Генералката“ Кожуф ја закажа за сабота против Детонит Плачковица во Гевгелија, а ова ќе биде можност за деби настап на прилепчанецот во дресот на Кожуф.
Пролетниот дел Кожуф го отвара на домашен терен против Брегалница од Штип.
