На дербито меѓу Шкендија и Струга Трим Лум беше забележан и еден необичен момент, кој брзо стана тема на социјалните мрежи. Голманот на тетовскиот тим, Бабукар Гаје, при едно силно избивање на топката, успеа директно да го погоди камерманот на трибините.
Станува збор за колега од порталот Sporti Sot, кој се најде „на погрешно место во погрешно време“. За среќа, немаше никакви последици, а камерманот продолжи со својата работа без проблеми до крајот на натпреварот.
Интересно е што токму колегите од Sporti Sot подоцна објавија видео од ситуацијата и со доза на хумор се пошегуваа на своја сметка, покажувајќи спортски дух и професионалност.
Инаку, на теренот Шкендија излезе како победник во дербито, совладувајќи ја Струга Трим Лум со 2:0.
- ПОГЛЕДНЕТЕ ГО МОМЕНТОТ:
