Светската ракометна федерација (ИХФ) официјално ги одреди шеширите за Светското првенство во 2027 година, кое ќе се одржи во Германија, а македонската репрезентација, доколку избори пласман, ќе има исклучително поволна позиција пред ждрепката.
Македонија во баражот за пласман на Мундијалот ќе се соочи со победникот од двомечот меѓу Словачка и Украина. Доколку нашиот национален тим ја мине оваа пречка, сигурно ќе биде сместен во вториот шешир, што значително ги зголемува шансите за поповолна група.
Поголемиот дел од учесниците веќе се познати, додека уште две селекции ќе добијат учество преку „вајлд-карта“.
Шешири за СП 2027
Прв шешир:
Данска, Германија, Хрватска, Исланд, Португалија, Шведска, Египет, Аргентина
Втор шешир:
Франција/Чешка, (Финска/Црна Гора), Словенија, (Турција/Романија), Норвешка, (Литванија/Србија), Унгарија, (Грузија/Израел), Шпанија, Швајцарија/Италија, (БиХ/Косово), Фарски Острови, (Украина/Словачка), Македонија
Трет шешир:
(Грција/Белгија)/Холандија, (Летонија/Полска), Австрија, Бразил, Бахреин, Тунис, Зеленортски Острови, Чиле, претставник на Северна Америка
Четврти шешир:
Катар, Кувајт, Јапонија, Алжир, Ангола, Уругвај, Вајлд-карта 1, Вајлд-карта 2
Ждрепката за Светското првенство во 2027 година ќе се одржи во месец јуни во Минхен, а евентуалниот пласман на Македонија во вториот шешир би значел одлична основа за конкурентна група и успешен настап на мундијалската сцена.
