Дебитантот во Првата лига, екипата на Арсими максимално подготвена и силно мотивирана влегува во пролетниот дел од шампионатот. Зад тимот од Чегране се успешни подготовки реализирани во Хрватска, а сега се става фокус на реализација на зацртаните цели.
Како што вели тренерот на Арсими, Вилдан Салиу за ФФМ, подготовките биле успешни, истакнувајќи го ангажманот, дисциплината и сериозноста на фудбалерите во текот на зимските подготовки.
“Подготвителната фаза беше многу важна за нас и сум задоволен од начинот на кој тимот работеше. Подготовките во Хрватска, во Медулин, ни овозможија одлични услови за работа, квалитетни контролни натпревари и значително подобрување на физичката, тактичката и менталната подготвеност на екипата”, изјави Салиу.
Како што истакнува предводникот на Арсими, новите засилување брзо се вклопиле во тимот и покажале голем потенцијал.
“Новите засилувања брзо се вклопија во тимот и покажаа голем потенцијал. Очекуваме тие да имаат значајна улога во продолжението од сезоната, зголемувајќи ја конкуренцијата и стабилноста во сите линии на екипата”, потенцира тренерот на Арсими.
Главната цел на тимот е опстанокот во елитата, а Салиу истакнува дека се убедените дека ќе ја остварат оваа цел.
“Очекуваме стабилни настапи, тактичка дисциплина, максимална посветеност и континуиран напредок. Тимот мора да покаже карактер, единство и одговорност во клучните моменти од шампионатот. “-Нашата главна цел останува опстанокот на Арсими во елитата на домашниот фудбал. Со заедничка работа, верба и поддршка од навивачите, убедени сме дека ќе ја оствариме оваа цел и ќе поставиме цврсти темели за иднината на клубот”, заклучува Салиу.
Арсими пролетниот дел го отвара во среда против Вардар на гостински терен.
