Денес во Пирава се одигра пријателски натпревар со хуманитарен карактер меѓу третолигашот Ударник и четвртолигашот Слога од радовишко Злеово, а на кој беа постигнати десет погодоци.
Ударник беше подобар со 8:2, но резултатот од овој контролен натпревар беше во втор план, бидејќи во прв план беше хуманитарната акција за Васко Ризов.
Овој натпревар послужи и за проверката на формата на двете екипи за пролетниот дел. Ударник е втор во Трета лига – Исток со три бода помалку од непоразениот лидер Победа Валандово и ќе цели кон првото место за баражот за Втора лига.
Слога од Злеово пак имаше солидна есен во Општинската фудбалска лига, а тимот од радовишко ќе цели кон првата позиција на табелата и можност да заигра во Трета лига – Исток од следната сезона.
Двете екипи продолжуваат со подготовките и со одигрување на пријателски натпревари за проверка на формата.
