Каратистката Ердона Зибери од Тетово оствари многу успешен настап, пласирајќи се на петтото место на Европското првенство за кадети, јуниори и У21, кое се одржа од 6 до 8 февруари во Лимасол, Кипар.
Со достојна изведба и силни борби против елитни европски противнички, Ердона покажа високо спортско ниво, посветеност и борбен дух до самиот крај.
Во борбата за бронзениот медал, Ердона се соочи со Амали Хакова од Чешка, каде по еден жесток дуел не успеа да го освои медалот, завршувајќи го натпреварувањето на одличното петто место во Европа.
Ердона е членка на Карате клубот Фати од Тетово, предводен од тренерот Арлинд Хусеини. На Ердона ѝ посакуваме нови успеси на идните натпреварувања и добро здравје за ова значајно достигнување.
Буран Муслиу, Спортска Мрежа
