Третолигашот Овче Поле денес на фудбалскиот терен со вештачка трева во Штип одигра пријателски натпревар со младинците на Брегалница, а исходот беше триумф за тимот од Свети Николе од 1:3.
Стрелци за екипата на Овче Поле беа Бобан Арсов, Мирон Илиевски и Дени Андонов.
Ова беше прв тест натпревар за екипата на Овче Поле, третолигашот од Свети Николе во следниот период до почеток на пролетниот дел ќе одигра уште неколку пријателски натпревари, а според информациите на Спортска Мрежа ќе има и неколку засилувања со цел подигање на квалитетот во обид да се стигне до првата позиција во Трета лига – Исток која води кон баражот за Втора лига.
