Во сабота (7 февруари), со почеток во 13:00 часот, на Градскиот стадион во Валандово ќе се одигра контролен натпревар помеѓу екипите на Победа Валандово и Кожуф од Гевгелија.
Средбата ќе има и силна хуманитарна димензија, бидејќи целиот настан е организиран како поддршка за валандовчанецот Васко Ризов. На самиот влез од стадионот ќе биде поставена кутија за донации, каде што сите присутни ќе можат да придонесат според своите можности.
За Победа Валандово овој меч ќе послужи како проверка на формата во пресрет на продолжението од сезоната, во која клубот настапува како непоразен лидер во Трета лига – Исток и јасно ја најавува амбицијата за пласман во Втора лига.
Од другата страна, Кожуф ќе го искористи овој пријателски натпревар како можност за проверка на формата пред продолжението на сезоната, а каде тимот од Гевгелија цели кон директен опстанок односно да се избегне баражот за опстанок.
