Денес на Градскиот стадион во Македонска Каменица се одигра пријателски натпревар меѓу второлигашите Каменица Саса и Брегалница, каде „сините“ беа подобри со 0:3.
По мирните мрежи во првиот дел, во второто полувреме мрежата на „рударите“ се тресеше дури трипати. Резултатот го отвори Калпачки во 55. минута. По дваесетина минути игра Михолов беше сигурен за 0:2, а пак во 90. минута конечниот резултат го постави Иванов.
Овие две екипи ќе одиграат уште еден пријателски натпревар, овој пат во Штип, а истиот е закажан за 7 февруари.
Пролетната полусезона Брегалница ја отвара против Кожуф во Гевгелија, а пак Каменица Саса ќе гостува во Кочани кај Осогово.
