Ракометниот клуб Партизан Гевгелија со дополнителна енергија и освежен ростер ќе го започне пролетниот дел од натпреварувањето во Првата лига, откако клубот официјално ангажираше двајца нови ракометари.
Нов член на гевгелискиот тим е Илија Табаков, ракометар кој настапува на позицијата лев бек. Табаков доаѓа од редовите на суперлигашот Радовиш, каде што настапуваше во есенскиот дел од сезоната, а зад себе има значајно искуство во домашниот шампионат. Роден е во Велес, а во текот на својата кариера го носеше дресот на Борец, Бутел Скопје, Аеродром и последно Радовиш.
Второто засилување е Стојанчо Наумовски, среден бек и поранешен кадетски репрезентативец на Македонија. Наумовски потекнува од школата на Младост Богданци, каде што досега настапуваше и ги мина сите младински категории, стекнувајќи вредно натпреварувачко искуство во Првата лига.
Партизан Гевгелија есенскиот дел од шампионатот го заврши на деветтото место на табелата со 11 освоени бодови, при што тимот забележа шест победи и седум порази во првиот дел од сезоната.
Продолжението од Првата лига за гевгелискиот тим носи сериозен предизвик, бидејќи пролетниот дел ќе го отворат со натпревар против непоразениот лидер Младост од Богданци.
