В недела ќе се одиграат натпреварите од 12. коло во Втората лига, а потоа ќе следува репрезентативна пауза, која ќе биде добредејдена за некои екипи со цел да може во последните три натпревари да дојдат до некои позитивни резултати, како што е случајот со Осогово.
Изминатиот период постојано анализиравме за Осогово и постојатно во секоја анализа пишувавме дека Осогово ќе биде една од екипите која ќе води жилава борба за опстанок во Втората лига. Таа борба од коло во коло станува се потешка.
„Жетварите“ имаат пет бодови негатива во донос на 13-тото место кое гарантира сигурен опстанок во Втората лига. Минатата сезона Осогово во последното коло се избори за опстанок, но сезонава борбата за опстанок ќе биде многу тешка.
Веќе в недела Осогово на домашен терен ќе се соочи со прилепска Победа, во дуел каде Осогово ќе го бара дури вториот сезонски триумф, желбата кај фудбалерите да ги израдуваат навивачите и Кочани е голема, императивот за трите бодови се големи. До крајот Осогово ќе оди на секој натпревар по три бодови со цел да може во пролетниот дел да дојде полесно до опстанок.
Прва цел ќе биде веќе Победа, стратегот на „жетварите“ Горанчо Горгиев ќе мора да бара рецепт за триумф, да најде тактика како да дојде до триумф над прилепчани.
Домашниот терен и домашната публика се предност, но формата е на страната на Победа, па тоа ќе ветува повеќе од јасно неизвесен меч во Кочани.
Во однос на меѓусебните дуели двете екипи од 2011 година наваму се соочиле 15 пати, од кои два натпревари биле пријателски, еден во Купот на Македонија, а останатите 12 во рамки на Втората лига.
Победа девет пати била подобра во однос на Осогово, кој пак четири пати бил подобар, а два натпревари завршиле без победник.
Последното соочување меѓу овие две екипи беше во Кочани на 5. март 2024 година, натпревар кој заврши без погодоци и без голови (0:0), додека пак Осогово последно над Победа славеше на 5. декември 2020 година со 2:0. Тоа значи дека Осогово триумф над Победа чека четири години.
Со триумф Осогово нема да има можност за прогрес ќе остане и натаму во бараж зоната, но во таков случај ќе има осум бодови на своето конто и значително ќе се доближи до зоната за директен опстанок.
Победа влезе во серија позитивни резултати и од долниот дел на табелата дојде до средината, сега е на 10. место со 13 бодови на своето конто и во Кочани сака нов триумф или пак реми.
Со триумф Прилепчани ќе се пробијат и до седмото место на табелата, но ќе причекаат на резултатите од останатите екипи односно на Саса, Детонти Плачковица и Беласица, но во секој случај со нови три бодови Победа оди чекор напредок кон целта – сигурен и директен опстанок.
Дуелот во Кочани меѓу Осогово и Победа за игра без право на грешка и за двете екипи, дуел за три бодови кој ќе понуди неизвесен и интересен меч.
Дали Осогово ќе може против традицијата? А, а ако и се верува на истата тогаш во Кочани тогаш треба да очекуваме најмлаку два погодоци, а Осогово игра и за излез од резултатската криза бидејќи на последните пет натпревари има пет порази.
Мечот стартува во 13 часот на стадионот „Никола Мантов“ во Кочани.
