Екипата на ЖРК Вардар е победник на првото издание на Меѓународниот женски ракометен турнир „Атлетик и пријателите“, кој се одржа во организација на прволигашот Атлетик.
„Црвено-црните“ со одлични настапи го освоија трофејот и го обележаа премиерното издание на овој меѓународен настан.
Второто место му припадна на домаќинот ЖРК Атлетик, третопласирана беше екипата на ЖРК Будуќност 2, додека четвртото место го освои ЖРК Куманово.
Организаторот упати голема благодарност до сите учесници кои се одѕваа на поканата и со своите настапи придонесоа за квалитетен и возбудлив турнир. Благодарност беше упатена и до присутните гледачи, кои создадоа одлична спортска атмосфера во салата и дадоа дополнителен шмек на настанот.
Првото издание на турнирот „Атлетик и пријателите“ помина во позитивен дух, со јасна порака за развој и промоција на женскиот ракомет, а триумфот на ЖРК Вардар останува запишан како прв победник во историјата на овој турнир.
