Некогашниот прволигаш Хоризонт Турново за пролетниот дел во Трета лига – Исток се засилува со искусниот Петар Илиев – Руни, кој доаѓа од редовите на Дојранско Езеро.
28-годишниот фудбалер кој игра како лево крило и шпиц, но може да ги покрива бековските позиции, е еден од најдобрите во третолигашкото друштво на Истокот кариерата ќе ја продолжи во тимот од Турново.
Низ кариерата покрај за тимот од Дојран кој е негов матичен клуб, а за која настапуваше во два наврати, Илиев беше дел и од велешки Борец, а настапуваше и за струмичка Тиверија.
Хоризонт од Турново презимува на четвртото место на табелата со 16 бодови, но има меч помалку во однос на првите три екипи на табелата, мечот со Рудар од Пробиштип кој треба да се одигра пред стартот на пролетниот дел. Доколку „турновци“ бидат успешни на тој меч би имале 19 бодови, а во такви околности и негатива од девет бодови во однос на непоразениот лидер Победа од Валандово.
