Македонската Дејвис куп репрезентација следниот викенд ја очекува првиот настап во 2026 година. Македонските тенисери гостуваат на Кипар во дуел од Втората светска зона.
Селекторот Горан Шевченко за овој меч ги повика Стефан Мицов, Амар Хусеиновиќ, Кристијан Јанев и Марко Алексовски. Најдобриот македонски тенисер Калин Ивановски нема да биде во составот, бидејќи според информациите од неговиот тим од САД не е доволно подготвен за настап.
Шевченко посочи дека е можна промена на списокот на тенисери и еден ден пред почетокот на мечевите.
Кипар во овој дуел ќе настапи со Мелиос Естатиу (787. АТП сингл – 506. дубл), Фотос Фотиадес (1.782 сингл – 1.669 дубл), Никола Кембел, Константинос Мегалемос и Елефтериос Неос.
Натпреварот ќе се игра во Никозија на тврда подлога. Во сабота (7 февруари) на програмата се два сингл меча, додека во недела (8 февруари) прво ќе се игра мечот во двојки, а потоа и преостанатите два сингл дуели.
Македонската репрезентација изминативе денови тренираше во Скопје, а утре заминуваат за Никозија.
