Даниел Инженеринг го освои турнирот во Радовиш откако во големото финале со 4:2 ја совлада екипата на Црна Река од Кавадарци.
Големото финале беше отворено со предност од два гола за освојувачот, а до крајот на првиот дел Црна Река намали на 2:1. Во второто полувреме тимот од Кавадарци успеа да дојде и до 2:2, а потоа Даниел Инженеринг стигна до конечните 4:2 и со тоа го освои „Шестоноемвриски турнир во мал фудбал Радовиш“.
За најдобар голман беше прогласен Енсар Фера од екипата на Даниел Инженеринг, најдобар стелец беше Игор Ристов од екипата на Фурна Марфи, а пак за најдобар беше прогласен Петар Ристевски од екипата на Црна Река. За најфер екипа на турнирот беше прогласена екипата на Вергови.
Спортска Мрежа ќе објави дополнително видео од атмосферата на турнирот во Радовиш од официјалниот дел и од доделувањето на наградите.
Спортска Мрежа медиумски го поддржа турнирот го мал фудбал “6-ти ноември 2024” во Радовиш, а кој имаше јубилеј од 10 години.
