Ако во останатите третолигашки региони имаме појасна слика за тоа кои екипи ќе се борат за првото место кое води кон баражот за можен влез во Втора лига, во Трета лига – Југозапад ќе биде „вистинско хаос“.
Дури пет екипи имаат отворен пат кон баражот – од првото до петтото место само три бодови е разликата.
На врвот се израмнети двете струшки екипи – Караорман и Влазними со по 19 бодови, со тоа што тимот на Караорман кој пред две сезони испадна од второлигашкото друштво е на врвот.
Со по 17 бодови Кравари и Славеј од Мешеишта го делат третото место, па дури и Могила која е петта со 16 бодови влегува во овој круг на екипи кои ќе атакуваат на првото место.
Само три бодови е разликата, првото пролетно коло може веднаш да направи промени на табелата – една победа од петто место може да го однесе тимот на првото место, но и одбрано – пораз да го спушти лидерот на петтото место.
Трета лига – Југозапад дефинитивно ќе понуди најмногу возбуда и неизвесност, а треба да се спомни и дека овој регион е најмал со само десет екипи, а во пролетниот дел ќе настапат ќе продолжат со девет екипи, откако Велешта Јунајтед беше исклучена од понатамошно натпреварување.
