Второлигашот Беласица го промовираше Метин Ќерими како ново засилување за пролетниот дел од сезоната.
Станува збор за 23-годишен фудбалер кој во Струмица пристигна од редовите на Вардар Неготино каде настапуваше во есенскиот дел од сезоната. Ќерими е играч од средниот ред и треба да биде освежување за тимот на Панче Стојанов.
Низ својата кариера покрај за тимот од Неготино, беше дел и од прилепска Победа, Шкендија Арачиново, БВК Коњаре, настапуваше за некогашниот второлигаш Братство од Житоше, Воска Спорт од Охрид, Братство Влазними и Скопје.
Струмичани презимуваат на четвртото место на табелата, а пролетниот дел го отвараат на домашен терен против лидерот Охрид.
